Salam sajahitra pa katan magtitibaw ha tiranan ini. Ubus nagchat kaina iban sin hambuuk taymanghud daing ha Al-Azhar nakatali' in pikilan dimihil sahawi palihalan sin pagusal "Tiknuluji" hapagda'wah. Alhamdulillah bihaun mataud na daing ha manga kaguruhan sin bangsa Sug in imingat magkussik sin kumpyutil.
Sumahawi kami kaniyu manga katawtaymanghuran namu' kalasahan labi maraih marayaw bang in katan kaguruhan ha hula' amun yaun ha laum pagda'wa anarun sin pagusal kumpyutil ha supaya mausal nila in panyap ini ha dan kiyaridaan sin mahasutci Allah. Bihaun ini mataud tuud bangsa Sug imaalung adlaw adlaw ha laum intilnit. Adakala bang in kaguruhan natu' mapantuk na ha pakaradjaan ini maluhay na kanila in magpasampay sin panghindu' sin agama pa bangsa nila ha laum intilnit.
Bang ha hula in muna-muna subay magpikilan sin hal magdihil kumpyutil ini amun manga kanakuraan bangsa Sug yan ha lauman sin pamarinta Pilipinas. Sapadpad in siyn hikadtu nila hibi sinapang maraw pa bihan nila in kaguruhan kumpyutil. Hikaruwa, bang awn hikagaus sin kaguruhan natu' labi maraw in subay sila mami. In hikatu, lumawag sila dan bang biyadiin in hikaabut nila ha ini.
Manga kapaiddahan sin kumpyutil hapagda'wah:
1. Bang awn hisulat kitab, risalah, iban sin kaibanan pa.
2. Hikaluhay sin parsugpatan ha antara' sin kaulamaan ha dunya.
3. Lumuag in ablang sin kapasampayan sin panghindu' sin Islam
4. Bang awn LCD mausal ha laum klas hipaghindu' iban ha manga Islamic symposiums iban seminars. Di' na magusal "chalk".
5. Tumaud in website, blog, network ha bahasa Sug.
6. Iban sin manga kaibanan pa....
Ha kiraniya manga kaguruhan namu' magsud na kamu intilnit sa' di' kamu makahati sin paghinang blog. Lanjal kamu mari pa blag ini, http://maghinangblog.blogspot.com , kalu awn kahampitan niyu maniyu'-tiyu' bayta' pasalan sin paghinang blag.
Pa manga katawtaymanghuran yan ha hula' amun maingat ha kumpyutil andu' ayaw na kamu mag ug himindu' ha manga kaguruhan natu' adakala in ilmu yan kaymu mahinang sabab pakarayawan.
Kaputblag
0 comments: