Panawag tawag pa Manga Kaguruhan ha tiranan sin Ashaera

Assalamu alaikum!

Pa manga katawtaymanghuran kaguruhan bangsa Tausug amun nagdara sin aqeeda Ashaera, bang awn daing kaniyu mabaya' magtabarru sin ilmu' iban waktu di ha Malaysia magpalanyut sin bangsa daing ha laum kaawam sin pangadji agama yari mataud bangsa niyu ha Malaysia in amun magkalagihan sin tatabangan daing kaniyu. Hangkan daing ha tiranan sin ashaera in pini' sin kami, pasalan in aqeeda ha Malaysia amuna in Ahlu Sunnah Wal Jamaah ha tiranan sin Ashaera.

Hambuuk daing ha manga tampat amun jajakan sin Bangsa Sug biya' na sin Kampung Bahagia. In Kampung Bahagia nakabutang ha daira Sandakan, Sabah hambuuk hulaan sin Tausug di ha Malaysia amun kikila sin pamarinta. In taud sin naghuhula' ha laum niya magkulang maglabi manga 5,000. In tau maas naguuhan kaniya biya' na kanda Nasir@Talal Abdullah (TN member), Sh. Hashim Titing, Jul Pajiji, iban sin kaibanan pa.

Hisiyu siyu kamu mabaya' magtabarru' makajari kamu magsulat kamu' ha email ini, aabdurajim@gmail.com.

Insya'Allah unu unu na in kalagihan ha susungun paawnun natu' man in paglawag dan ha supaya in katan magad ha sara' sin pamarinta.