In katan sanglit pa Allah, Tuhan sin katan Alam, Salawat iban salam pa Rasulullah SAW, rahmat pa katan alam, Iban pa manga asu kampung niya iban pa manga sahabat r.a amun yanna napulakkanat ha hawnu-hawnu alam.
1. Mahinang hambuuk salaggu’-laggu’ pagmasusa sin manulat ha pagkita’ niya sin panghindu’ Tauhid dahan Wahabi iban Taymiyyahh piyasud na pa laum silabuls iban papaghindu’ agama ha Malaysia.
2. Bang ha panghindu’ dahan Wahabbiyah iban Taymiyyah, in Tauhid biyahagi’ pa tung kabahagi: hikaisa: Tauhid Rububiyyah, hikaruwa, Tauhid Uluhiyyah iban in hikatu: Tauhid Asma’ iban Sifat. Mataud in wayi nakasayu atawa nakaingat ha kasabunnalan ini.
“AMUNA INI IN BID’AH (ISTILAHIYYAH – IN KASABUNNALAN NIYA) IN AMUN NAHINANG HI IBNU TAYMIYYAH.
Diyungug tuud sin manulat in kata-kata ini daing ha simud niya kandi.
In sumunud amuna in hangkabahagi’ daing ha manga salinanbahasa namu’ sin Fatwa amun kiyapaguwa’ na sin Pusud Fatwa Mesir manunjuki pa kalaungan sin pagbahagi tauhid dahan Taymiyyah iban Wahhabbiyah. Daing ha sabab sin Fatwa ini landu’ mahaba’, pini’ namu’ hadja in matup iban hisiyu siyu in maingat maginarab, kitaa niyu mari:
“Iban in pagbahagi’ sin Tauhid pa Uluhiyyah iban Rububiyyah amuna in daing ha pagbahagi’ ba’gu, bukun dimatung daing ha manga Salafus Salih. Iban in panagnaan tau naghinang kaniya – bang agarun in pamaham amun (Masyhur) – amuna hi Syeikh Ibnu Taymiyyah (Bangman siya dihilan rahmat Sin Allah).
Buat malaingkan in siya (Ibnu taymiyyah) nakalandu in pagpaliyu daing ha tibtiban sahingga in panayma’ niya bahawa in Tauhid Rububiyyah samata-mata di’ pa hikasagpak ha pag-iman. Iban bunnal tuud mataud daing ha manga tumpukan sin ummat Islam daing ha manga mutakallimin (Ulama Tauhid amun piyapaghambuuk nila in naqal iban aqal) iban ha dugaing daing kanila in panauhid duun da ha Tauhid Rububiyyah iban waynila na piyaruli in Tauhid Uluhiyyah.
Iban in pamaham amun nagpanyata’ sabunnal tuud in Tauhid Rububiyyah hadja di makajukupi hipagtantu sin pagiman amuna in pamaham Bid’ah iban nagdugtul iban sin piyagijmaan sin ummat Islam, ha waypa hi Ibnu Taymiyyah.
Iban in pamikilan Takfir (magkapil-kiyapili) ini sabunnal niya nakatapuk daing ha manga panghati amun kimakangi’ ini iban nahinang siya hambuuk dan ha supaya in ummat Islam matuhuma nagsirik iban nagkupul iban in tiyap-tiyap pamaham nila sa’ ini hi agsu’ nila maun kan Sheikh Ibnu Taymiyyah (Bangman siya dihilan rahmat Sin Allah) amuna in hambuuk daing ha manga panglaung iban hipagpabuga’ amun piyapanaw sin manga nangagari ha pamaham daing ha guwa’ (amun bukun daing ha Islam) bat nila kalummian in kahulmatan sin Islam.
Iban amuna ini in kasabunnalan sin mazhab tumpukan khawarij iban mataud na (nas-nas) Syariat nangdaak ha supaya kita magayad-ayad daing ha mahulug pa laum kalaungan niya.
Kasimpulan niya:
• Tauhid Uluhiyyah iban Rububiyyah di’ makajari magbutas.
• In pagbahagi’ atawa pagpabutas ini tiyagnaan hinang hi Ibnu Taymiyyah.
• In pagbahagi’ Tauhid bihaini bukun pagbahagi’ magtup iban Tauhid sin manga Salafus Salih.
• In pagpanyata’ bahawa in Tauhid Rububiyyah hadja di’ makajukup hipanantu ha pagiman sin hambuuk tau bariman magdugtul iban ijma’.
• In pitna takfir (magkapil-kiyapili) amun gimuwa’ daing ha pagbahagi’ Tauhid bihaini amuna in kasabunnalan sin Mazhab Khawarij (biya’ na sin mangapil ha manga tau magtatawassul).
Wassalamu ‘alaikum.
Sajahitra’ pa manga sila amun miyamagad ha pamandu daing ha Tuhan niya.
Puunan: http://al-ashairah.blogspot.com/2009/02/fatwa-kesesatan-pembahagian-tauhid-ala.html
Tauhid Rububiyyah – Piyanyata in tau manga musyrik nagtatauhid – astagfirullah.
Tauhid Uluhiyyah – Hinang mangapir ha ummat Islam magtatawassul, magtatabarruk, magistighathah ha manga kanabihan iban awliya’. – Astagfirullah.
Tauhid Asma’ iban Sifat – Hinang in manga ayat mutashabihat bilang puunan Tauhid iban biyutang nila in tashbih iban tajsim bilang Tauhid. Nauzubillah.
InshaAllah, in daing ha pihak al-Ashairah magpatarrang da sin kabatilan ha tiap siyulagan tauhid dahan Taymiyyah iban wahhabi ini ha susungun. Sabunnal niya mataud na nasulat sin manga ulama’ tungud ha parakala’ ini.
3. Misan bihadtu, bang awn pihak magtuyu ha supaya in pihak magkakawasa agama iban pusud pagpangadjian kitaun nila magbalik in pagsud sin panghindu’ Tauhid tung kajinis ini pa laum silabuls pa pagpangadjian agama ha Malaysia, Awn kabaakan daing ha manga pihak amun kulang in panghati sumulang iban tumulak. In manulat nagpikilan in pagtulak ini bukun in puunan pamaham amun matampal.
4. Bang in kasabunnalan yadtu bukun matarrang pa hisiyu-siyu pihak, maraw pa siya nagduruhung iban di lumamud. Bang masa’ in panauri, makasud pa laum tumpukan sin ahli bid’ah na isab.
5. Iban Alhamdulillah in pihak Darul Ifta’ Misriyyah (Pusud Fatwa Ripablik Mesir) Ubus na nagpasawa in sakaula ula in pagbahagi’ sin Tauhid dahan Taymiyyah iban Wahabbiyah ini amuna in TAUHID DAING HA TUMPUKAN SIN KHAWARIJ iban NAHINANG SABAB HA FITNA’ TAKFIR (Magkapil kiyapili ha antara sin pagkahi Muslim).
6. Bangman hasupaya in daing ha pihak nagkakawasa ha agama iban pagpangadjian mahinang nila in pagkita’ magbalik sin silabuls akida amun piyanghindu’ ha tampat pakaniya-pakaniya. In tanggungjawab ini hipangasubu ra ha adlaw ahirat.
7. Masi pa pagkatumtuman sin manulat bahawa ha hambuuk siminal piyaawn sin INFAD – Pusud Fatwa, USIM (nakauna KUIM) ha tahun 2005 amun kiyahadilan hi Sheikh Muhammad Saed Ramadhan al-Bouhti. In siya ini naasubu palihalan sin pagbahagi sin tu Tauhid ini, daing ha sabab yan jiyawaban niya:
0 comments: