Ha jaman nakauna in pamikil sin tau hapartangngahan. Daing ha sabab in pamikil nila bihadtu in hambuuk sugarul amun nakatakaw giyatusan alta’ bulawan suku’ sin hambuuk maguusaha dayahan wayruun pa kiyaiingatan. Nagtuyu’ tuud in manghuhukum imusal sin indajinis papanaw sumagawa’ wayruun da nagmumpaat nakasaggaw ha sugarul. Daing ha sabab mahunit na kabaakan in sugarul in tagdapu sin alta’ nagpamahalayak pa hisiyu siyu hadja in nanakaw sin alta’ niya hipagmalilla’ niya na hidihil in hangtunga’ sin bulawan natakaw yadtu apabila hikauli kaniya sin sugarul in alta’.
In hal paglawag sin sugarul magduruhun in hunit. In maksud marayaw sin maguusaha yadtu wayruun da tiyayma’ sin sugarul. Mataud tau in simulay naglag ha sugarul sumagawa’ wayra nagmumpaat katan. Sampay in sugarul dimayaw in parasahan sabab yakin na siya sin di’ siya kabistuhan. In panday sin sugarul ini miyagad pa siya sin maglawag ha sugarul. In tau bihaini biya’ dakaw nakaalup jin. Karna’ sin in siya makaingat katu’ adapun in siya di’ ta kaingatan. Hambuuk tau missara pa manghuhukum.
Mayta’ tuan manghuhukum di’ kita mangayu’ tabang kan Abunnawas?
Bukun ka hi Abunnawas wala di bihaun ha laum hula? Simambung in manghukum.
Piyakain siya? Nangasubu in tau yadtu pa manghukum.
Piya Damaskus, sambung sin manghukum
Unu in hajat niya madtu? Himati in tau yadtu
Tiyaabbit sin Pangiran ha hula yadtu, laung sin manghukum
Ku’nu siya dumatung? Nangasubu na isab in tau yadtu?
Marai’ duwa adlaw dakuman, in sambung sin manghukum.
Bihaun in tagaran nila dakuman hi Abunnawas. In sugarul amun daing ha angay ini marayaw in parasahan pagdungug sin bissara yadtu di’ na magkaw kaingat. Sambil nagparu siya mig daing ha laum kawman iban sin pangalta’ tiyakawan niya. Sumagawa’ wayna liyaus in niyat niya karna’ bang siya gumuwa’ biya’ niya sin biyayta’ in taiyatapuk niya. Daing ha sabab hadtu biyugtu’ niya di’ mig ha laum kawman misan unu pa in jumatu. Dimatung na hi Abunnawas daing ha Baghdad sabab sin nasalassay na in hinang niya didtu. Nakatabuk da magtuy hi Abunnawas sin panaabbit maglawag sin sugarul. In atay sin sugarul yadtu ha laum kuba kuba na hadja hapagdungug niya timagna’ na hi Abunnawas nagsiyasat ha sugarul. Pagkakunsuman in katan tau ha laum kawman wiyajib magkumpul ha paghuhukuman. Himadir na madtu hi Abunnawas iban pagda niya mataud tungkud. In manga tungkud yadtu sibu’ sibu’ in haba’. Wayna pagtaud bissara magtuy biyahagi’ hi Abunnawas in tungkud amun diya niya daing ha Runnah.
Kiyatupuran man in tau ha laum paghuhukuman hambuuk-hambuuk tungkud, namung na hi Abunnawas, in manga tungkud yan kiyakammillahan ku. Kunsum mahinaat subay niyu hibalik in manga tungkud dihil ku kaniyu yan. Ayaw kamu masusa, in tungkud iyuulinan sin sugarul amun dayng ha angay ini timatapuk humaba hangka tudlu’. Bihaun uwi nakamu katan.
In manga tau way nakatakaw wayruun da nasusa sumagawa’ in sugarul magduruhun in buga’. Di manga siya tugun misan biyadiin na laum sin dum. Nagtali’ siya tuud. Sambil natali’ niya in uturan niya in tungkud hangka tudlu’ ha supaya in tungkud niya tattap da in haba biya’ sin sukuran panagnaan. Pagmahinaat nagtipun na in manusiya ha unahan sin paghuhukuman. In sugarul yadtu way painu-painu karna’ yakin siya in tungkud niya di kaingatan karna’ sin kiyauturan niya hangka tudlu’. Bukunkah in tungkud kiyauulinan sin nagtakaw humaba’ hangka tudlu’? Piyudji niya in kapandayan niya in huna’ huna’ niya kalabbawan niya na in kapandayan hi Abunnawas. Piyapaghatul na hi Abunnawas in tau ha laum paghuhukuman. Sambil piyariksa’ na hi Abunnawas in tungkud dihil niya kahapun. Pagabut man madtu pa nagtakaw kiyabistuhan magtuy hi Abunnawas karna’ himawpu’ na hangka tudlu’ in tungkud diyara niya. Asal kiyaingatan hi Abunnawas uturan sin sugarul in tungkud niya sabab sin muga’ siya bang humaba’ hangka tudlu’ in tungkud niya.
In sugarul yadtu hiyukum magtup iban sin dusa niya. In labi hanggatus siyulagan bulawan nakakadtu pa lima hi Abunnawas. Sumagawa’ hi Abunnawas tattap hakapandayan niya, in hangka bahagi daing ha haddiya yadtu tiyukbal pa maas sin sugarul, in hangka bahagi’ ha manga tau miskin iban in kapin niya tiyukbal pa asu kampung niya.
0 comments: