Assalamu alaikum manga gausbawgbug hawnu hawnu na binaybayan ha dunya.
Mikit kami sahawi maniyu' tiyu' sukul daman awn kapagsawsawhan natu' taliun.
Mabaya' namu' hipasampay pa manga kaulamaan iban kaguruhan bangsa Tausug labi awla kan Apah tuan Ust. Abdulbaqi Abubakar iban sin manga kaibanan amun naggugulal ha baran nila nakahati sin Ilmu' Tasawwuf.
Muna-muna mangasubu kami bang mayta' in Ilmu' Tasawwuf ha hula' wayruun siya naformalize biya' sin madrasah? Misan in kaawnan sin panghati ini subay ha mataas level, wayruun da maraih sa' niya bang siya hihindu' ha mabaya' imingat daing ha grade 0 sampay pa kataasan.
Amura in pagkadungugan sin kami ha kabiyaksahan in Tausug magdugu-dugu hadja maglag sin panghati ini.
Bang biya' sin ha Indonesia, ha kiyadungugan sin kami ha bayta' sin manga katawtaymanghuran nagpakakattu awn kunu' didtu Pesantren (Madrasah) piyaghihindu' in panghati bihaini. Sambil in pesantren didtu ha hula nila mahinang tampat pagtatawbatan sin manga amun maghihinang ma'siat biya' na sin magusal sin sabarang makahilu.
Ha bistahan sin kami, amun way tuud pangirab sin manga hal ini, bang awn dagbus bihadtu paghindu' ha hula natu' amun in sistem niya biya' sin sistem Pondok ha Malaysia iban Pesantren ha Indonesia, mahinang sabab hikaluhay ha Tausug maglawag ilmu' labi awla ilmu' Tasawwuf.
Kamu ra in nakahahati ha hal ini, timilu' hadja kami kaniyu sin manga kita' namu' hikaganap dayaw ha bangsa natu'.
Salik
0 comments: