بسم الله اين تاڬنأنڠن سين توهن رحمن
تييواود نا ڠييانن
ها سوڤاي كهاتيهن
Bismillah in tagnaan
Ngan sin Tuhan Rahman
Tiyuud na Ngiyanan
Ha supaya kahatihan
كتومتومن نييو ڤاك
ها جامن ناكاونا
سلطان سولو مكواس
ڤيياڬدداتن سين انتاراءبڠسا
Katumtumanniyu paka
Ha jaman nakauna
Sultan Sulu makawasa
Piyagaaddatan sin antara'bangsa
بيهاون من وقتو
ماتاود اين نهيلو
راايات سولو ناءيلو
كلناء نهألو بيلو..
Bihaun man waktu
Mataud in nahilu
Raayat Sulu nailu
kalna' nahalu bilu
نهألو بيلو اين هولء
بڠسا سمبيل نالواء
ميليكن، جيڤون ابن كستيلاء
ڤا تاوسوڬ نڠدوستاء
Nahalu bilu in hula'
Bangsa sambil nalawa'
Milikan Jipun iban Kastila'
Pa Tausug nangdusta'
اوناو با اين دوستاون
تاوسوڬ اصل مڤاڬون
ماتاود دء ڤاڬ-اوكون
ماهوڬوت ڤڠڬيوڠڬوڠ
Unu ba in dustaun
Tausug asal mapagun
Mataud di' pagukun
Mahugut panggayunggung
بوننل يقين ڤا توهن
امو اين ڤڠامدوسان
ميسن ڤوڠلوء بودبورن
دء ماءيڬ ها اويومن
Bunnal yakin pa Tuhan
Amu in pangamdusan
Misan punglu' budburan
Di' maig ha uyuman
هڠكن بڠسا ايري
ايو تواود ڤاسري
لسا ها ناڬڤاڤنجاري
ين ڤاغاڬن سين ڤنجي
Hangkan bangsa ayari
Ayaw tuud pasari
Lasa ha Nagpapanjari
In paghagan sin panji
كابتاڠن اين تمبولون
ليماباي حدجا ناڬڤاتومتوم
ايمن كامو سوموهون
نصيحت ڤاتاورون
Kabtangan ini tambulun
Limabay hadja nagpatumtum
Ayman kamu sumuhun
Nasihat pataurun
15 January 2010
Kg. Bahagia Sandakan
0 comments: