Ligut di' Pagkapindahan

Bihaun in manga pihak ha Sulu amun yaun iyuukuman sin parinta Pilipinas, iban amun di' mabaya' mig daing ha pagkaFilipino naghihigung hagas sin butuhun nila ha Pihilippines election ha magdaratung datung bulan. Damikkiyan in manga candidacies naligap da isab maghatul sin manga pikilan sin hikaraug nila. Ha waktu ini in manga kanakuraan nagsisipat baing kasihun pa bangsa nila. Amun misan agad pistak sanyawa nila hi dihil pa raayat bangman sila di' kasiban awn ngi'. Ha taykud sin pagpakita' nila ulung nagpapataud da isab sila sinapang iban tindug hipagtuku ha kawasa sin tiyap tiyap nakura'. Isut daman bang daugun awn manghilu hala' ha atu iban ha laum paghula'.

"Asal in politik ha Sug, laung sin kaibanan di' mabaya' manglamud lamud, wayruun tuud baynat marayaw pa hula', bangsa iban agama". Bunnal baha' in politik malummi'? In kasabunnalan niya in politik awn duwa bayhu' niya, mangi' iban marayaw. Kumangi iban dumayaw in politik daing da hapagpolitik sin maghinang kaniya. 

Bang pagpolitik da ha Sug daing sin tagna' (ha masa nakasud na pa Pilipinas) asal di' hadja makadihil dayaw pa hula, bangsa iban agama. Karna' asal matampal in nagkakawasa amuna in hawa napsu. Magsubli ganti' na in mahinang gubnul, mayul da na pa kunsiyal di' kaw makakita' awn daing kanila makadihil dayaw pa hula' iban bangsa. Misan awn mahinang nila karayawan in yadtu di' pa makainihan karna' mataud na tanggungjawab kiyabin iban kiyapasaran nila. Daing ha sabab yadtu hisiyu siyu in makasubli maguhan hapagnakura' ha Sug bang bukun da marayaw in kapu'pu' sin hawa napsu awn da rapat makaupi siya ha nakura' jahil iban baldapat amun siyublihan niya. 

In ligut sin pagparinta ha Sug di' na agad makaig daing ha lima sin manga sila kulang in lasa ha bangsa iban hula' nila. Naganak apu' na sila ha kawasa, sa' in prime objective nila madtu ra pa magpataud pilak iban magpatattap sin kawasa. In tanda' niya wayruun kiyalilibunan sin bud. Baha' hangkan tiyakdil ha kanakuraan in jimatu yan pasalan sin subay ra in kasabunnalan gumuwa' amun mangdahi pa hikabalik sin kamahardikaan pa hula Sulu.

In pagelection yan nahinang dakuman panayaman, adapun in dumaug amura in manga sila mataud tindug iban pilak, misan in kaawnan nila anyaya iban baldapat. 

Ha election ini piyuan ibu na in Tausug di' mamutu, pasal in sila bukun na Filipino Citizen. Miyatay na in Filipino daing kanila, damikkiyan nabuhi' isab in pangilahan kanila amun pagtawagun TAUSUG CITIZEN. Magsusung in bulan hikatunay nila ra in tanggungjawab nila bilang raayat Sulu magpi' sin hinangun nila nakura' amun adil, bukun hayanat, iban malasa ha hula' bangsa iban Agama. 

Hakiraniya masub pa kamu sin kahiluhan duun naa kamu pagpahup ha saum iluk sin Pilipinas. Sumagawa' bang kamu siyumu na in "Option" mig na daing ha Filipino pa Bangsa Tausug.