Unu in kapaiddahan?

Unu in kapaiddahan magpaguwa sin Kapatta-pattaan nakauna?
Bang in pamarinta wala na kiyaukuman ta
Bang in katurunan di’ da magkasilasa
Bang in raayat di’ da magtibuuk sama-sama
Bang in hula masi nabibinasa
Bang in kanakuraan masi way paidda
Bang in bangsa kiyatabunan na

Mayta’ naman kita magpaguwa’?
Bang kita wayra pangita’
Bang kita wayra huna’ huna’
Bang kita wayra pagbaya’
Bang kita masi ra najuljana’
Bang kita masi nagkakaniya kaniya

In patta yan awn hadja paidda?
Bang magtumtum sin nakalabay masa
Bang mahinang sabab sin hikapagkasilasa
Bang mahinang padumman
Bang hikapaguwa’ sin bangsa
Bang hikakawa sin hula’
Bang hikahaun daing ha hilu hala’
Bang makapatattap sin panji Islam
Daing ha bihaun sampay pa huling jaman

Patta’ niyu yan ayari
Misan liyabay bissara
Mahuli hikapaglagi ra
Karna’ mataud pa isab nakapin
Masuwak matakin
Magtuku  ha Hula Bangsa iban agama

0 comments: