Gumi Sug landu’ lingkat
Kaiibugan sin katan
Kastila Jipun iban Melikan
Katan sila bakas dimawhat
Hi ig daing kaniya in kamahaldikaan
Bihaun limpa sin manga dayu rakuman
Piyaragbus sin Filipino amun miyagad
Ha bautan sin Kurustiyan
Lupa’ Sug nahilu hala’ sila in palsababan
Maksud Islam pungun ha pangatayan
Bat Tausug mahulug pakaliruan
Daypara masi pa pagkatumtuman
In manga liyabayan sin kamaasan
Dugu’ nyawa nila way piyasaran
Piyagbubu sin Lupa’ Sug
Piyamawgbug ha ka Islam
Sila na yadtu in wajib tumtumun
Way nag irup dunya
Mangman in Gumi Sug tumattap
Biya’ sin katan,
Gumi Sug asal mahaldika’
Misan in luun niya hilu hala’
Aliazer Abdurajim
September 24, 2008 (10:45 pm)
Kg. Bahagia, Sandakan
source: http://indaginislangan.yolasite.com
SUPPORT SULU ASSERTION OF INDEPENDENCE: 17 NOVEMBER 2010
0 comments: