Atura kami bilang anak
kanungnungan sin katan ama'
Kaugan sin katan ina'
Kalasahan sin tiyap-tiyap apu'
Yari kami bihaun ha pantayan
Bukun nagtira mital atawa nagkatayan
sa' manugpati sin bugtu'
Magpalu sin halu'
Tumuku ha kamaasan
Amun naggugulal malasa ha maksud
Yari na kami!
Timubu' daing ha binhi' sin paglasa niyu
Tiyalik sin kasigpitan iban silawak sin gumi
Tiyawag sin tau guwa' "babai malingkat"
Baha' amuna ini in angan angan niyu
Tiyakdil sin Tuhan kamu'
Misan kamu malawa'
in angan-angan niyu yadtu
Yari buhi' ha angan angan namu'
Ayaw niyu kami pasari
Kay bang niyu kami pasaran
Biya' da kamu namaytai
In maksud niyu nagjihad nakauna
Bukun ha karna' hula, bangsa agama
Atura tuud kami sin atud kasilasa
Bukun pa baran namu'
Sa' pa ginhawa sin maksud
Amun piyagbuluk binasahan sin kamu nakauna
29 May 2010
8:51 PM
Sandakan
Idolan kah. =)
ReplyDelete