Isuk-Isuk

Dunya ini maluag pagpanayaman

Hipu’ sin katigidluman

Mataud da isab ilaw

Ha karan danan

Mahang da in manusiya’ nakahati

Ha rahasiya’ sin gumi

Luwal da maraih sila

Amun masuwak magparuli

Sin kailmu’-ilmu’an nakaisuk ha isuk bigi

Pagubus humati magpahantang kaagi

Ha pagbalik pa awal kajari

Awal kajari di’ dumagbus

Bang lahil bukun tutus

Manaw ha kasigpitan

Dasuk in pangatayan

Pulna yakin pa Tuhan

Amura in dagpakan

Amura in manamin

Amura in saminan

Pagsakali kahantang

Dunya landu’ ablang

Tagna’ kaw di ha ginhawa

Mara muna in katilibut

Makasawu sin kagawgut

Ha jantung magkubbut

Dunya ay magirup

Bang kalima bukun da amu maksud

Ha ginhawa nabaggut

Hambuuk hula’ nasakup