Magtuku Bangsa bukun Maglarak

In paglasa ha bangsa hambuuk tanggungjawab sin tiyap-tiyap tagbangsa. In hal ini magtup iban hadith sin Nabi Muhammad SAW.

“Wahai Rasulullah, unu mabilang baha’ “fanatic” pihak in tau malasa ha bangsa niya? Laung sin Baginda, bukun, sagawa’ in “fanatic” pihak amuna in tumabang ha bangsa niya maghinang sin kajaliman.”

Picture Source
Daing tagna sin UTP himinang sin parakala’ salaggu’-laggu’ ini, wayruun ha laum kakahinang nila in mangdahi ha bangsa nila pa laum katigidluman. Sagawa’ in katan hinang sin UTP manunjuki  pa lasa ha hula’,  bangsa, iban agama. Amura kuman in hal ini wala’ pa kikita’ marayaw sin kamatauran Bangsa Sug pasalan awn daing kanila tumandaw hadja daing ha kalayuan, di’ misan mabaya’ manglamud lamud ha UTP. Kalu baha’ subay na dumagbus in parakala’ ampa sila magduyun-duyun sumaksi’ bahawa daing katagna’ asal in niyat sin UTP hikarayaw – pasal sin makadihil na karayawan pa bangsa kaluagan.

Misan bihadtu, patilag tilagun ta tiyu’ tiyu’ bang unu naman in nahinang sin UTP hikarayaw lugay sin pagparagan nila sin kakahinang ini. Sabbutun ta maniyu’ tiyu’ bukun karna’ magpakita’-kita’ atawa magpabantug sagawa’ ha supaya kahatihan sin kamatauran bahawa’ in UTP masi pa siya matup ha paru niya mamindahi ha kahalan sin Bangsa Sug pa katiluagan niya.   

-          Pagpatindug sin Panji sin Sulu Sultaniyya - in ini bang ta kitaun wayruun karahan, adapun in hal ini namaytai katu’ iban pa dunya bahawa in Ukumsakup (Sovereignty) sin Bangsa Sug masi wujud timagna’ daing ha 1405 sambil pa bihaun.  In baynat niya in pu-an tahun na wala’ nakauwi pa hula’ nila, pagsintak sin panji  nakabalik na sila pa kahula’ hulaan nila.

-          Pagpaguwa’ Birth Certificate - In hal ini namaytai pa dunya bahawa in bangsa Sug bukun Filipino  damikkiyan in Filipino bukun Tau Sug atawa bangsa Sug.

-          Magtabang hapagmahi sin Kapatut Pagkamanusiya (Human right) – ha waypa na wujud in pagpatindug panji iban pagpaguwa BC kulang in daing ha bangsa Sug magmahi iban imingat sin Kapatut Pagkamanusiya’ nila. Gimuwa’ man in UTP in kapatut sin bangsa Sug kiyapagmahi na, bang saggawun sin parinta karna tiyuna’ Abu Sayyaf pagkita in sila bukun Filipino maluhay sila makalipuwas daing ha tuhuma. In parakala’ ini magtup iban sin jimatu pagbunu’ tighan ha Laminusa, Sulu amun hinang sin manga Army Pilipin ha bangsa Sug. Labi awla bang in hinangun sin parinta manglaug.

-          Magdihil tatabangan ha manga anak asawa sin nagkasaggaw ha Sabah – Daing tagna’ pagparagan sin aturan di ha Sabah, asal lamud ha “Program” sin UTP in pagdihil gastu ha manga anak asawa sin nagkasaggaw bangsa Sug, amun taga Sulat Lahil Tau Sug, lugay ha laum kuddam basi.
-          Naganad ha bangsa mangandul ha Kusug sin Tuhan, iban di’ manghuwat huwat ha tatabangan sin Tau guwa’ hula’ –  In hal ini nawujud haka paawn sin aturan di ha katilingkal Sabah.

-          Iban sin magdaratung datung hinang salaggu’ laggu’ biya’ na sin magpabalik sin hula’ pa laum ukummilik sin bangsa Sug, lagi’ tukuhun sin pagusaha labay hapagusal sin Unudsiyn Dinar iban Dirham.

Amu ini in maniyu’-tiyu’ nahinang sin UTP insya’Allah ha susungun magtataud pa in hikatabang.

0 comments: